【now.com財經】仲有唔夠1個月就係馬年，內地兩大科企巨無霸騰訊控股(00700)及百度集團(09888)「送蛇迎馬」，齊齊宣布春節「派錢」計劃，App嘅用戶有機會發個新年財。
騰訊嘅元寶會喺2月1日(周日)上線春節活動，用戶只要上元寶App就可以參加10億人仔嘅現金紅包抽獎，單一紅包金額可達萬元人仔。據內媒引述消息指，主席馬化騰話希望可以重現當年微信紅包嘅盛況。
百度就搶閘今日(26日)起至3月12日，只要用戶喺百度App用文心助手，就有機會分享5億人仔現金紅包，最高可以獲得1萬人仔奬賞。
