【Now財經台】連日都有內地人工智能(AI)、圖形處理器(GPU)新股掛牌，其中，「AI六小虎」之一嘅稀宇科技(MiniMax)(00100)今日(9日)首掛，一度炒高逾80%，新股市場持續熾熱，但港交所(00388)股價重上100天線後遇阻，股價今早反覆向下。
星展香港環球金融市場上市產品策略師鍾宛婷指，港交所近日走勢強勁，股價日前一度突破430元，收復短中移動平均線，依家喺100天線徘徊，整體跑贏大市，所以資金都睇好，過去5個交易日持續有資金流入好倉。
佢又指，如果想博整固期間跌後反彈，可以揀2026年4月底到期，價外21%，行使價518元以上，槓桿做到11倍嘅CALL輪條款，但時間損耗較大。如果想坐過周末，可以揀價外約10%，今年6月底到期嘅CALL，槓桿都有8倍。
