【Now財經台】截至早上11時止，過去1小時內《彭博》搜尋量最多港股，依次為智譜(02513)、MiniMax (00100)、泡泡瑪特(09992)、舜宇光學科技(02382)及快手(01024)。
由於昨日(17日)行業傳出利好消息，智譜獲摩根大通上調目標價，由1600元調高至1800元，評級「增持」，不過，智譜股價今日(18日)急瀉，智譜今朝輕微低開0.6%，開市報1211元，已見咗暫時即市高位，好快就掉頭向下，其後一度低見990元，急瀉逾17%，點解獲大行「祝福」後，股價會反高潮？
復星國際資產管理投資經理李曉翀指，雖然智譜上周五(14日)發布「GLM-5.3」大模型，但未公布定價，如果參考之前嘅「GLM-5.2」，定價比DeepSeek V4 Pro貴約2倍，令市場擔心喺價格戰下，之後未必可以再加價，甚至要調整價格，會對利潤率有一定影響，令短期炒作信心急降溫。
Andrew續指，現時智譜市值約600億美元，若今年或明年經常性收入(ARR)指引去唔到20億至30億美元，估計到時沽壓會唔細。
