【Now財經台】恒生銀行(00011)法院會議及股東大會通過私有化方案。
恒生舉行法院會議及股東特別大會，表決滙豐控股(00005)2025年10月提出，以每股155元，合共斥資1061億元私有化恒生的建議，有到場投票的小股東坦言，迫於無奈接受。
恒生股東鍾先生說:「我持有恒生嘅股票都超過30年，咁就等如『嫁女』，咁錫個「女」，依家要嫁，個個都唔捨得。」
此外，有股東引述會上不少股東指，擔心私有化後兩家銀行會整合分行及裁員。
恒生股東郭先生說:「始終恒生係服務良好、品牌良好，不嬲都係我哋最大嘅華資銀行，希望滙豐真係救佢、幫佢，但就唔好『食咗佢』。」
不過，亦有持股多年的股東指，原本擔心恒生壞帳問題，都贊成私有化。
恒生股東鄭女士說:「呢個價錢收都OK嘅，嗰陣時我100蚊買，揸住成10年，1年派息5000幾蚊，咁我都收返個本，跟住近期80幾蚊再買過。」
恒生於1933年創立，至今有逾90年歷史，在港上市超過半個世紀，私有化預期於2026年1月26日生效，1月27日將撤銷在港上市地位。
王冬勝於報章撰文，指希望利用私有化這個契機，釋放兩家銀行更大的協同效應，這是一項對香港市場的重大投資，體現對香港繼續作為國際金融中心，以及連接中國與世界的重要橋樑承諾和信心。
