【now.com財經】恒生銀行(00011)法院會議及股東大會昨日(8日)通過滙豐控股(00005)提出嘅私有化方案，隨著呢單千億大刁「過關」，下周三(14日)係恒生最後一個交易日，1月27日就會退市，喺香港逾半個世紀嘅上市地位正式畫上句號。滙控及恒生股價今朝(9日)反應唔大，僅個別發展。
恒生輕微高開0.3%，開市報154.4元，其後一度高見154.5元，股價最新變動唔大，暫時成交逾8600萬元。
滙控高開0.8%，開市報125.4元，見咗暫時即市高位，但之後掉頭向下，曾低見123.6元，倒跌0.5%，最新報123.8元，暫時成交逾1.7億元。
