【Now財經台】內地限制英偉達(Nvidia)H200晶片嘅消息，利好國產晶片概念，晶片股今日(8日)逆市炒上，其中，中芯國際(00981)今朝一度升3.6%，高見77.45元，熱門CALL有唔少選擇，普遍喺2026年第2季至第4季到期，價外3%至33%，槓桿都差唔多，投資者應該點揀？
中信證券國際股權衍生品銷售聯席董事李佳原指，中芯係昨日(7日)最多資金流入嘅前5大股份，除咗有政策因素支持，亦因為最近有唔少同集團相關嘅明星半導體股喺本港上市，而銅板塊領域嘅華虹半導體(01347)已突破90元，所以資金湧入部署中芯追落後。
Sam建議投資者選擇行使價80元至90元，實際槓桿4至5倍嘅CALL輪條款。
