【Now財經台】中芯國際(00981)股價今日(12日)先升後跌，一度逆市升穿10天線，一度升2.9%，高見65.6元，但其後掉頭向下，如果睇好中芯應該點部署？
星展香港環球金融市場上市產品策略師鍾宛婷指，中芯表現與大市同步，依家股價喺250天線水平有支持，落到58.3元就有反彈，今日就喺10天線水平整固。
Kathrin續指，台積電(TSMC)業績反映人工智能(AI)需求仍然強勁，加上北水加倉，見到過去5個交易日有過千萬資金，部署中芯嘅牛證及CALL輪，建議想博高槓桿投資者揀行使價80元，7月底到期，實際槓桿4至5倍嘅條款。
