【Now財經台】截至早上11時止，過去1小時內《彭博》搜尋量最多港股，依次為快手(01024)、紫金礦業(02899)、國泰航空(00293)、中國平安(02318)、泡泡瑪特(09992)。
泡泡瑪特股價今日(6日)一度高見207.4元，升5.7%，依家趁反彈沽貨嘅壓力都唔細，主要係蟹貨多，今日股價升可能同一單消息有關，市傳跟隨南韓總統李在明訪華嘅三星電子會長李在鎔，喺北京商場Shopping時買咗Labubu。
富途證券首席分析師譚智樂指，呢個消息都可能有啲幫助，刺激泡泡瑪特股價一度衝高，但所有弱勢股上面都會有蟹貨，所以呢樣嘢意義唔大，泡泡瑪特大部分負面新聞都出晒嚟，集團旗下IP如The Monsters係列、星星人，海外市場需求其實仍然強勁，所以呢隻股份中長線仍然睇好。
Arnold又話，睇返技術走勢，短線的確係差，股價今日(6日)掂一掂10天線又落返去，突破唔到203元、204元呢啲阻力，雖然短線表現唔樂觀，但如果企得穩200元以上，有貨可以考慮繼續揸。
