【Now財經台】截至早上11時止，過去1小時內《彭博》搜尋量最多港股，依次為快手(01024)、中國石油股份(00857)、小米集團(01810)、長城汽車(02333)、中國海洋石油(00883)。
快手股價今朝(5日)一度勁升逾13%，係升幅最大恒指及科指成分股，今日價量齊升，呢浸可以炒幾耐？
富昌證券聯席董事譚朗蔚指，睇返技術走勢，快手可機會炒多1至2日，可靈AI(Kling AI)係快手最大亮點，一直為集團貢獻盈利嘅模型，亦係集團一個唔錯嘅基本因素。
Stevan提醒，2025年10月以後，科指明顯轉弱，去年11及12月快手股價弱勢，所以單日強勢未必可扭轉過去兩個月嘅弱勢，今日急升後或會牛皮，甚至好快打回原形，所以唔建議股價炒高後先嚟追貨，有貨嘅投資者就留意77元重倉位係咪有阻力，同埋可唔可以吼位減持。
