【Now財經台】百度集團(09888)受旗下人工智能(AI)晶片公司崑崙芯已向港交所(00388)提交IPO申請，以及無人駕駛出行服務「蘿蔔快跑」(Apollo Go)將進軍英國等帶動，成為市場近期炒作焦點。百度股價已連升3個交易日，今日(2日)一度再大升近9%，高見143元，今朝(2日)食糊嘅人似乎多咗，追好倉還是反手做淡嘅投資者較多？條款應該點揀？
法興銀行證券上市產品銷售部董事周翰宏指，百度連續3個交易出現大陽燭，反映走勢仍然靚仔，但值得留意係，股價已去到重要阻力，所以資金依家傾向短線獲利，但唔排除股價整固後再出現突破，如果想捕捉上升動能，可以揀約3個月到期，價外6%至30%嘅CALL輪，槓桿6至7倍。
