【Now財經台】泡泡瑪特(09992)股價今日(31日)一度跌近3%，低見185.1元，繼續喺低位徘徊，今朝再迫近區間底部184元，有消息指，Labubu二手價跌穿原價，消息傳出後，資金流情況如何，投資者應該點部署？
星展香港環球金融市場上市產品主管周國威指，資金流入好倉多過淡倉，但股價走勢明顯較去年同期弱，低位部署動力不足，建議揀防守性較高產品，例如明年9月到期嘅長身CALL，行使價約200元，價外20%至30%。
Dick續指，呢類價位低及年期長嘅產品有唔少優勢，一旦股價喺低位整固，可以降低持倉成本，中線亦可捕捉反彈勢頭。
