【Now財經台】中芯國際(00981)股價今日(27日)高開4.5%，升穿100天線，升幅隨後擴大至8.4%，高見69.75元。有一批熱門CALL行使價約69元，今朝已經到價，如果睇好後市、想換馬有咩條款值得考慮？
中銀國際證券衍生產品部董事朱紅指，公司受惠於DeepSeek全新旗艦人工智能(AI)大模型「DeepSeek-V4」，股價上周五(24日)已大升約10%，因此，見到早前部署好倉嘅資金已獲利離場，見到PUT輪開始有資金流入。
如果睇好後市，CALL輪方面，Niki建議揀行使價83至84元，今年約11月到期，槓桿做到4至5倍，引伸波幅去到55%水平，PUY輪方面，行使價約51元，今年9月到期，槓桿約5倍，平均引伸波幅約50%，比較啱依家嘅市況。
