【Now財經台】新消費股中，泡泡瑪特(09992)股價持續下滑，今日(17日)就先跌後升，低開0.4%，開市報188.4元，其後一度低見185.5元，之後掉頭向上，曾高見193.7元，升2.3%，受歡迎CALL普遍做到4倍至5倍槓桿，年期以中長期為主，應該點揀先可以賺到盡？
花旗上市衍生產品部副總裁麥穎儀指，要睇泡泡瑪特股價可唔可以守住4月底至5月初嘅橫行區，而股價跌勢放緩後，昨日(16日)已有唔少資金開好倉。
她提醒，雖然條款選擇好多，但要注意泡泡瑪特股價仍相對弱勢，建議CALL輪揀明年6月初至中到期，實際槓桿做到5倍，行使價約275元，價外約44%。
