【Now財經台】截至早上11時止，過去1小時內《彭博》用戶搜尋量最多港股，依次為京東工業(07618)、泡泡瑪特(09992)、地平線機器人(09660)、中國平安(02318)及紫金礦業(02899)。
京東系第4隻喺本港上市嘅股份京東工業(07618)今日(11日)首掛，一度較招股價14.1元，低逾10%，其後收復部分失地，點睇京東工業今早表現？
大唐資本投資策略部總監盧志明指，最新經濟數據反映內地整體工業情況唔理想，京東系各自面對唔同問題，某程度上係反映內地經濟情況。佢又話，如果有炒作意味或幻想空間，例如醫藥及人工智能(AI)股，可能隨便都升到30%，甚至1倍，相比之下，投資者就會變得謹慎，如果首日一開出嚟冇乜水位，見表現唔理想就抽返啲資金出嚟，因為陸續會有IPO，攞呢啲資金抽其他新股。
Ken又話，暫時第1日喺呢啲位置持平，唔會跌得好多，但亦唔會大升。
