【Now財經台】截至早上11時止，1小時內《彭博》用戶關注度上升最多港股，依次為華虹半導體(01347)、中芯國際(00981)、紫金礦業(02899)、老鋪黃金(06181)、小米集團(01810)。
「恒生港股通軟體及半導體指數」即將改名「恒生港股通軟體主題指數」，指數刪除半導體元素，4隻出局股份，即ASMPT(00522)、中芯、華虹及英諾賽科(02577)，股價今日(12日)齊捱沽，呢單消息係咪股價下跌「死因」？
大華繼顯執行董事梁偉源指，追踨呢個指數嘅資金唔算多，但可能最近大市未有方向，所以趁有呢類消息炒作，出局股份一般會喺當日收市前幾分鐘進行，若資金喺收市前短炒呢個消息，就會令股份有沽壓。
不過，佢又話，上周喺A股上市，「中國版英偉達(Nvidia)」嘅摩爾線程，上市至今一度累升逾7倍，公司昨日(11日)收市後指，產品仍未能帶來盈利，所以仍錄得虧損，消息拖累港股嘅晶片股向下，另一個跌因就係...
