【Now財經台】蘋果公司(Apple Inc.)供應鏈巨頭之一嘅藍思科技(06613)，股價今日(11日)逆市造好，一度急升逾8%，高見27.6元。公司都有消息，就係昨日(10日)宣布收購裴美高國際全部股權，而呢家公司持有嘅元拾科技逾95%，元拾主要從事制冷裝置相關業務，藍思可以借今次收購進軍人工智能(AI)基建，睇返股價反應，市場似乎都好支持呢單收購？
耀才證券研究部總監植耀輝指，元拾科技係全球5家擁有英偉達(Nvidia)RVL(推薦供應商名單)企業之一，向Nvidia提供核心組件，雙方合作關係密切，加上未來市場對制冷裝置需求較大，相信發展潛力好大。不過，Stanley提醒，呢單收購成效有幾大，都要視乎作價。
