【Now財經台】特朗普(Donald Trump)政府話要力谷機械人發展，消息炒起美港相關股，港股方面，優必選(09880)股價今日(4日)一度升逾5%，高見114.9元，值得留意係，呢隻股經常趁股價炒高後配股，上市至今已6度「抽水」，未來有冇機會再配股？
耀才證券研究部總監植耀輝指，由於科技創新行業資金需求大，又未有盈利基礎，所以要密密「抽水」，而配股對股價嘅影響就取決於公司競爭力，依家市場對優必選睇法相對正面，但由於機械人發展迅速，有可能喺短時間內比對手超越。
Stanley又話，睇機械人相關股主要睇競爭力、技術複雜性，如果想買呢類股份，優必選暫時係唔錯嘅選擇，但始終成日「抽水」都要小心。
