【Now財經台】截至早上11時止，1小時內《彭博》用戶搜尋量最多港股，依次為萬科企業(02202)、建設銀行(00939)、美圖(01357)、歌禮製藥(01672)及創科實業(00669)。
萬科債務問題成為市場近期焦點，雖然萬科係民企，但有國企背景，大股東係深鐵集團，之前傳出可能唔再向萬科「輸血」，係咪反映中央救內房嘅取態有變？
資深證券分析師彭偉新認為，萬科債務困局好難解決，現時到期嘅部分係內債，較大機會由較高級別嘅內地組織或政府介入協調，安排債務展期，若最終仍搞唔掂就要考慮削債，相信要行呢一步只係時間問題。
Castor又認為，內債相對容易透過內部協調解決，但市場依家最擔心係深鐵嘅取態，如果大股東都唔出手，市場或會擔心深鐵係咪都自身難保，涉及更深層次問題。
