【Now財經台】截至早上11時止，1小時內《彭博》搜尋量最多港股，依次為壁仞科技(06082)、思格新能(06656)、比亞迪股份(01211)、創科實業(00669)及泡泡瑪特(09992)。
半新股壁仞係港股「GPU第一股」，股價今日(16日)一度狂飆23%，高見47.66元，但唔計今個月，壁仞股價上市後表現其實唔係特別好，點解今個月突然發力？
王道資本及家族資產管理執行董事黃敏碩指，近期唔同板塊輪流炒，之前有大模型或相關股份大升，壁仞去年業績表現一般，因為虧損問題一度拖低股價，集團推出新晶片，喺算力上有幫助，有助擴大領先大模型市佔率。
Michael又話，壁仞喺布局上，不論係心工智能代理(AI Agent)，或生成式人工智能(Gen AI)，都做到一個垂直領域，首先係晶片，然後發展到系統及場景，係公司嘅優勝之處，趁智譜(02513)、Minimax(00100)要唞一唞氣時，呢類股份就借勢炒高咗。
