【Now財經台】名創優品(09896)今日(21日)中午派咗成績表，股價午後一度急挫近5%，低見38.28元，市場係咪唔滿意呢份業績？雖然上季收入按年增長逾28%，整體同店銷售亦維持中個位數增長，但純利就按年跌31%，主要受投資直營門店令銷售及分銷開支大升，點睇呢份業績？
紅蟻資本投資總監李澤銘指，其實名創呢份成績表唔算太差，始終依家市道唔好，除非業績有好大驚喜，否則，市場都係會沽貨。佢又話，名創優品收入及銷售都符合指引，但受快速開店令開支大增，繼而影響利潤。
Alan續指，如果集團可以維持直營店增長比率，相信可以為股價帶嚟支撐。
