【Now財經台】截至早上11時止，1小時內《彭博》搜尋量最多港股，依次為金山軟件(03888)、小米集團(0180)、中金公司(03908)、快手(01024)及聯想集團(09992)。
金山軟件昨日(19日)公布第3季業績，純利按年跌48%至2.1億人仔，主要受遊戲業務收入拖累，股價今日(20日)一度急瀉逾11%，險守27元，點睇金山軟件呢份業績？
香港股票分析師協會副主席曾永堅指，現時遊戲業務貢獻佔整體近50%，但上季營運溢利按年大跌76%，令投資者對集團第4季展望更悲觀。
Jasper又話，雖然辦公室軟件及服務收入大幅增長，但唔算係驚喜，依家金山軟件預測市盈率(PE)18倍，呢個估值唔足以支撐股價企穩，佢估計，短線要下試去年10月低位，即25元水平。
