【Now財經台】百度集團(09888)昨日(18日)派咗第3季成績表，其中，收入按年跌7%，錄得有紀錄以來最大單季跌幅，經調整純利按年跌36%，值得留意係，集團首度披露人工智能(AI)新業務表現，收入按年大升逾50%。百度股價今朝(19日)一度升3.8%，高見115.7元。點睇百度呢份成績表及股價後市？
以立投資管理董事總經理兼投資總監林少陽指，近期市場避險情緒高漲，所以會優先考慮低估值及財政狀況健全嘅公司，值得留意係，由於百度股價之前冇被大幅炒高，估值相對其他內地科企平低，因此，即使業績冇好大亮點，仍可成為投資者避險之選。
不過，Vincent續指，內地AI語言大模型競爭激烈，尤其阿里巴巴(09988)旗下「千問」重新包裝再推出，估計有機會超越其他AI語言大模型，對百度構成幾大威脅。
