【now.com財經】Sony Pictures奪得泡泡瑪特(09992)旗下皇牌IP Labubu嘅電影改編權，摩根士丹利亦力撐，指Sony可延長Labubu生命周期。不過，《彭博》分析師「預言」，Labubu命運可能同Beanie Babies一樣。
Beanie Babies係乜嘢？「佢」曾經喺上世紀90年代掀起一股熱潮，係一種豆袋公仔、動物造型嘅毛絨公仔，價格喺90年代未大幅飆升，更一度成為另類投資產品，但其後泡沫爆破，Beanie Babies跌落神壇，變返平民價。
此外，Bernstein認為，Labubu熱潮快見頂，又對泡泡特銷售有新推動力存疑，直言股價已經冇乜水位。
泡泡瑪特股價今日(17日)收市報217.4元，升0.4%，全日成交逾23億元。
