【Now財經台】百濟神州(06160)日前出咗季績，績後獲大行「祝福」，核心產品「百悅澤」全球收入強勁，而上季收入更首度突破10億美元，大行睇好「百悅澤」去到2030年仍會繼續大賣，投資者係咪都唔怕高追？
紅蟻資本投資總監李澤銘指，百濟神州股價昨日(13日)已經破頂，近期已經升咗唔少，資金有獲利誘因，所以暫時唔係入市或博反彈嘅好時機，建議等股價補返昨日嘅下跌裂口，即係去返210元水平，再考慮入場。
至於「百悅澤」未來幾年銷情係咪會持續理想，Alan認為係一個未知數，反而公司未來嘅增長動力更值得關注，關鍵係其他新藥可唔可以順利完成三期臨床試驗上市。
