【Now財經台】百度集團(09888)昨日(13日)發布新嘅文心大模型5.0，但驚喜欠奉，拖累股價今日(14日)一度瀉逾9%，低見113.9元，集團下周二(18日)就會出業績，會唔會令市場失望？
亨達財富管理董事總經理姚浩然指，以前百度嘅人工智能(AI)模型喺行業中有優勢，但後來慢慢被阿里巴巴(09988)追上，搶去市場焦點，最新發布嘅文心大模型5.0，市場認為唔算突出，若AI模型冇變現能力，公司需要面臨一定財務負擔。
Patrick又話，內地經濟上季走弱，令百度搜尋及廣告業務增長放慢，不過，百度估值唔貴，預測市盈率(PE)約14倍，佢估計，股價短期會喺110元水平上落，但冇乜上升動力。
