【Now財經台】截至早上11時止，1小時內《彭博》用戶搜尋量最多港股，依次為騰訊控股(00700)、碧桂園(02007)、京東健康(06618)、中芯國際(00981)及華潤置地(01109)。
騰訊季績好過預期，獲摩根士丹利及摩根大通等大行上調目標價，但股價今日(14日)反覆向下，到底係受大市氣氛同外圍拖累，還是集團資本開支減少，令市場質疑人工智能(AI)策略係咪有變影響？
大華繼顯執行董事梁偉源指，雖然騰訊業績好過預期，但撞正美股昨晚大跌，騰訊無可避免要跟大市跌，但跌幅唔算大，始終業績好會對股價有支持，所以仍有唔少大行上調整騰訊目標價。
Steven又指，騰訊遊戲業務及廣告收入都有改善，特別係騰訊善用AI技術刺激廣告收入。至於騰訊減少資本開支，佢認為反而配合到依家嘅市場氣氛，因為投資者依家普遍擔心企業會過度投資AI，因此，騰訊採取較審慎嘅策略反而更符合市場預期。
