【Now財經台】海豐國際(01308)今日(24日)中午派咗成績表，首3季收入約24億美元，按年增長17%，集裝箱貨運量增約8%，平均運費每標準箱754.9美元，增約9%，呢份業績嘅數據都錄得增長，其中，首3季收入更錄得雙位數增長，不過，海豐股價今日(24日)由頭跌到尾，係咪市場唔收貨？
王道資本及家族資產管理執行董事黃敏碩解釋，海豐業績好但未有反映喺股價上，因為海豐股價9月已見咗高位，加上貿易旺季已過，所以股價回落係正常。
Michae又話，油價高企主要受政治因素推升，令集團運輸成本增加，加大股價調整幅度。
