【Now財經台】由紫金礦業(02899)分拆嘅紫金黃金國際(02259)今日(19日)開始收飛，招股價71.59元，每手100股，入場費約7231元，集資逾249億元，有望成為繼寧德時代(03750)後，今年全球第2大上市集資活動，寧德當日公開招股超購150倍，點睇紫金黃金國際招股反應？
紅蟻資本投資總監李澤銘估計，紫金黃金國際較難錄得好大超額倍數，主要有2個原因，首先係集資規模及公開發售規模細過寧德，其次係兩家公司增發股數有差別。Alan指出，一般投資者會認為，股份夠乾及股權集中會更易炒，對於抽IPO(首次公開招股)嘅投資者嚟講，紫金黃金國際一上市流通量就好大，估計好難出現爆炒嘅情況，投入金額自然較少。
