【Now財經台】截至早上11時止，1小時內《彭博》用戶搜尋量最多港股，依次為恒大物業(06666)、騰訊控股(00700)、泡泡瑪特(09992)、中國宏橋(01378)及美團(03690)。
近日人工智能(AI)板塊炒作持續，騰訊控股嘅微信推出新功能，搜尋介面加入「AI搜索」，可以連接DeepSeek或騰訊混元模型，雖然唔算太大驚喜，但受惠於AI板塊炒作氣氛，騰訊股價今日(12日)又破位，迫近650元水平，一度升3%，高見649元，後市有冇力再上？
亨達財富管理董事總經理姚浩然指，現時騰訊預測市盈率(PE)約25倍，唔算平，但近期港股氣氛好，恒生指數升穿26000關，科技股及金融股主力帶動大市上升，因此，騰訊股價仍有力再上，若港股進一步造好，騰訊有機會見700元水平。
Patrick又話，雖然中資科技股有好多新消息利好股價，但最重要係睇有冇AI變現能力，AI要帶嚟變現能力，先可以進一步推升股價。早前騰訊股價已經突破620元阻力位，後市有機會上試660元至670元。
