【Now財經台】阿里巴巴(09988)股價今日(8日)繼續反彈，一度大升逾4%，高見138元，並有份帶領大市向上，阿里早前因受好友歡迎，唔少資金喺股價上周升上高位時已食糊，5日合計，好倉有2.15億元流出，但過去兩個交易日又有唔少好友入場，應該點部署？CALL輪同牛證應該點揀？
中信證券國際股權衍生品銷售聯席董事李佳原指，今日入場嘅投資者，用CALL博阿里反彈較合適，因為今日嘅引伸波幅顯著下跌，股價持續喺136元水平徘徊，有機會挑戰140元水平，如果用牛證做部署，收回風險會較大，睇好阿里不妨揀較貼價、短至中年期，即3至6個月到期嘅條款，行使價揀150元水平會較易到價。
