【Now財經台】海爾智家(06690)派完中期成績表後，股價今早(29日)高開逾3%後，升幅一度擴大至7%，高見26.86元，暫時成交股數較過去100日同時段平均增1.5倍。
睇返公司業績，集團收入按年增長10%，純利按年增長16%，雖然兩者都好過預期，但唔算好突出，派中期息26.9分人仔，今次係集團喺香港上市以來首次派中期息。
海爾智家股價近年相對表現落後，雖然有機會追落後，但喺「內捲潮」下，消費股未必係焦點，加上AH股嘅溢價唔夠10%，炒差價收窄空間亦唔大，所以股價要出現突破都比較難，後市要留意大行點評價最新呢份中期業績，以及點預測集團下半年表現。
