【Now財經台】海爾家電(06690)上季業績純利增速快過收入，而集團自3月以來已回購4090萬股A股，佔總股本0.436%，涉資逾10億元。集團未來點樣提升競爭力，以增加股價潛在上升空間？
信達國際研究部助理經理陳樂怡認為，海爾智家除咗搶閘喺海外布局提升競爭力外，亦積極拓展新興市場。佢又指，集團採取國際化及高端化發展策略，令滲透率逐步提升，相信隨著打通本土化生產渠道，實力會愈來愈強。
Tracy又話，雖然受國內補貼政策不明朗因素影響，但海爾智家可透過海外發展、制控經營成本、提升營運效率，提升集團盈利能力。股價方面，佢認為30元關口有一定阻力，建議投資者可考慮做中長線部署。
