【Now財經台】美國總統特朗普(Donald Trump)對等關稅(Reciprocal Tariff)被美國最高法院裁定違憲，港股嘅出口股今日(23日)隨大市反彈，不過，家電股就個別發展，升得最靚嘅海爾智家(06690)都只係升咗3%，一度高見27.84元，雖然美的集團(00300)偏軟，但單計2月已累升約9%。
高歌證券金融首席分析師聶振邦指，關稅消息其實對家電股業績影響唔大，早喺去年4月關稅消息發酵時，唔少家電商已經將生產線部署喺美國本土，或其他低關稅地區，所以呢類股份美國法院嘅裁決冇咁敏感。
聶Sir補充，家電股升可能受本身嘅利好消息帶動，例如海爾智家近日公布同冷凍裝置相關嘅專利消息，刺激股價造好，冇消息嘅股份今日表現就相對差啲。
佢續指，美的去年已開始發展機械人，加上春晚嘅機械人效應，都可以吸引更多潛在資金關注，而市場對機械人發展前景樂觀，都會幫到股價。
