【Now財經台】截至早上11點，過去1小時內《彭博》用戶搜尋量最多港股，依次為海底撈(06862)、泡泡瑪特(09992)、美圖公司(01357)、金界控股(03918)及雙登股份(06960)。
公開招股超額認購逾3800倍，一手中籤率僅0.06%，儲能電池廠商雙登今日(26日)首掛，開市報22.5元，較招股價14.51元，高55%，其後一度高見23.18元，高近60%，股份夾高純粹受供求帶動，還是有投資價值？首次公開招股(IPO)改革後，唔少新股中籤率極低，就算「頂頭槌飛」都分得好少，呢個係咪已變成常態？
富途證券首席分析師譚智樂認為，喺新回撥機制下，公開發售部分佔比較小，令散戶更難抽中，不過，其實未有新機制前，有啲新股都係一手難求。
Arnold建議，炒新股宜順勢操作，若高開後不斷向下，唔好心急趁低吸納，應該等股價開始回升，再順勢買賣。
