【Now財經台】小米集團(01810)股價今日(11日)曾低見50.65元，跌1.1%，跌至1個月低位，其後走勢反覆，小米下周先放榜，股價近期喺50元水平有支持，上星期有唔少資金部署小米好倉，值唔值得博反彈？
法巴上市衍生產品部銷售及市場推廣主管李梓維指，小米股價弱勢，成交亦一直縮水，但輪場仍有資金關注，因為港股仍然強勢，小米作為大價股但走勢落後，所以一定會有資金關注，博股價有機會追落後，不過，5日合計，只有約1000萬元流入好倉，金額唔算大。
佢續指，投資者要留意，50元關口只係一個心理支持位，若投資者想博股價之後轉勢，就盡量避開牛證，因為變得愈來愈近收回價，會較難做部署，佢建議揀返長身CALL，最少明年1月以後到期，行使價64至65元，呢類條款較理想。
