【Now財經台】恒生銀行(00011)上半年受香港商業房地產(CRE)撥備拖累，導致業績差過預期，恒生半年少賺30%至69億元，期內，撥備大增逾2倍至49億元，當中逾25億元來自CRE。本港銀行業低迷，點睇行業前景？
資深銀行家王浵世坦言，對恒生睇法審慎及唔樂觀，因為銀行同房地產有關連，樓價跌會影響銀行抵押品價值，繼而產生壞帳，恒生今年以嚟嘅壞帳的確令人憂慮，其他銀行嘅情況亦唔會有好大分別，因為呢個係系統性問題。
不過，佢認為亦唔使太悲觀，因為最近商廈需求開始增加，佢估計，第3、第4季會有改善，至年底甚至有機會好轉。
