【Now財經台】近日國際級天后Lady Gaga帶住一隻以佢造型為藍本嘅特製Labubu出街，令Labubu人氣再度急升，更不斷推升泡泡瑪特(POP MART)(09992)股價，今日(7日)更再創新高，一度大升近6%，高見293.4元，股價近日出現突破，好友keep住離場，5日合共流出2310萬元，係資金流出最大個股，CALL輪及PUT輪有邊啲條款值得留意？
中信證券國際股權衍生品銷售經理李佳原指，雖然今日股價升，但淡倉繼續有資金流入，較受歡迎嘅PUT，輪價0.1元至0.15元，槓桿較高。
Sam又話，即使股價技術上出現突破，但好倉情緒唔積極，以往POP MART股價升勢強勢，正正就係大市整固嘅時候，投資者不妨留意住歷史會唔會再重演。CALL輪方面，可以留意槓桿4至5倍，輪價0.1元左右嘅條款，行使價最牛睇600元。
