【Now財經台】渣打集團(02888)今日(31日)中午派咗成績表，表現好過市場預期，各項主要指標都交出唔錯嘅成績，刺激股價午後一度倒升1.5%，高見145.8元，其後走勢反覆。
艾德金融執行董事陳政深表示，睇返上半年情況，渣打呢份成績表比市場預期好，跟同業比較就更理想，渣打上半年營運收入、純利都有增長，而業績亦冇反映資產質素轉差，始終渣打主打新興市場，市場最擔心係香港及內地資產、貸款質素轉差，但未明顯見到有呢啲情況。
Ryan又指，渣打另一個催化劑係數碼資產，例如加密貨幣等，集團喺呢方面態度好積極，喺依家嘅市況下，一係搵收息股，但渣打一定唔係呢類，因為銀行股之中佢比較低息，一係就搵增長股，睇返整體銀行業，只得渣打keep到增長，亦展現到呢股動力，所以對股價有正面幫助。
