【Now財經台】截至早上11時止，過去1小時內《彭博》用戶搜尋量最多港股，依次為創科實業(00669)、李寧(02331)、萬科企業(02202)、騰訊控股(00700)及美團(03690)。
內地昨日(14日)出咗6月出口數據，出口相關股早昨日普遍造好，但創科今日(15日)先至追落後，早段一度升5%，高見91.35元，升上1個月高位，到底創科技術上轉勢未？後市仲有冇力向上收復？
富途證券首席分析師譚智樂指，創科今日暫時只係一度突破100天線，仲未企穩，所以唔算係正式突破100天線，又認為創科現時處於整固格局，但未必會大跌。
Arnold補充，需要有更多中美貿易消息，先可以判斷創科股價會點行，又指對中美貿易協議唔會睇得太悲觀，但詳情仍然係未知之數，所以限制咗創科嘅股價。
