【Now財經台】睇返連連數字(02598)去年業績，有87%收入係來自數字支付服務，期內，境內支付業務表現理想，按年增長65%，去年底更獲發虛擬資產交易平台牌照，雖然業務前景似乎唔錯，但其實去年仲蝕緊錢，公司短期內有冇機會扭虧為盈？
《香港股票科技密碼》作者梁杰文指，睇返連連數字財務狀況，雖然呢幾年都要蝕錢，但其實不斷有改善，而收入連續2年錄得高雙位數增長，虧損亦持續收窄。佢又指，若公司可以keep住有高收入，相信好快可以有錢賺。
Mike續指，支付市場規模好大，雖然已被騰訊控股(00700)，阿里巴巴(09988)等壟斷，但只要連連數字把握到穩定幣呢個新興行業嘅機遇，再加快呢方面發展，做到快人一步，由於穩定幣牌最終花落誰家冇人知道，加上資金分散布局下，連連數字係有一啲憧憬。
