【Now財經台】截至早上11時止，1小時內《彭博》搜尋量最多港股，依次為中國神華(01088)、老鋪黃金(06181)、中國建材(03323)、地平線機器人(09660)及紫金礦業(02899)。
神華今早(14日)發盈警，但股價照升，早段一度升5.6%，高見32.75元，但今年以嚟僅累升3%，大幅跑輸大市，呢次發盈警，到底集團最壞時期過咗未？投資者應該點部署？
富昌證券聯席董事譚朗蔚指，神華受煤價影響，業績一直疲弱，加上有唔少新能源、可替代能源出現，煤唔再係新發展方向，即使唔發盈警，神華都係持續弱勢。
佢又提及，除咗業績，亦要留意股息因素，神華係典型高息股，有別於中特估概念股，即使業績未明顯好轉或企穩，但仍有收息價值，所以可以做中長線部署。
