【Now財經台】美國向巴西加徵收50%關稅，一定程度上限制咗比亞迪股份(01211)喺當地嘅擴張部署。此外，比亞迪上半年銷量僅及全年目標約39%，意味下半年銷售壓力唔細，依家股價落到近3個月低位，有咩產品及條款較受歡迎？
滙豐亞太區財富管理香港上市產品銷售經理盧貴良指，比亞迪股價近期弱勢，市場較關注比亞迪行業競爭及自動駕駛保險條款，股價今日(11日)落到120元水平，吸引唔少好倉資金，進取嘅投資者可以考慮行使價約155元嘅CALL，12月到期，實際槓桿做到6倍。牛證方面，較貼價條款收回價約105元，即200天線水平。
