【Now財經台】全球最大電池生產商寧德時代(03750)，月底就會派發上市後首份中期成績表，不過，喺Tesla汽車銷量跌，內地車企又要減價去庫存，再加埋貿易戰陰霾，寧德時代係咪仲值得憧憬？
亨達財富管理董事總經理姚浩然指，內地電動車存貨唔少，而個別汽車生產商去庫速度慢咗，意味未來未必會生產咁多新車，電池需求就會減少，無疑係一大憂慮。
佢又話，日本豐田汽車(Toyota)宣布會喺2027年生產全自動電動車，之前唔生產係因為覺得續航力太低，依家決定生產，反映豐田嘅汽車續航力一定提升咗好多，而豐田後年推出嘅固態電池車款，對寧德時代有幾大影響仍然係未知之數。
