【now.com財經】市值已飆升至逾2000億元，內地人氣爆燈嘅網購及社交平台小紅書，相隔幾年，再傳出阿里巴巴(09988)對佢「未死心」嘅傳聞。
早喺2019年首次傳出阿里睇中小紅書，想收購呢個平台，當年甚至傳出阿里系員工入主小紅書，不過，小紅書隨即否認呢個傳聞，更揚言要對謠言追究到底。
內媒最新又再「舊事重提」，喺內地社交媒體流傳，話小紅書好快會畀阿里收購，小紅書又要再Loop返幾年前嘅回應，指呢個傳聞係謠言，不過，阿里方面就冇回應。
阿里股價今日(4日)向下，一度低見103.1元，跌近3%，其後跌幅收窄。
