【now.com財經】泡泡瑪特(09992)「吸金王」Labubu帶挈公司盈利、股價、市值三級跳，據內媒報道，河北大營鎮唔少廠家及小作坊跟風生產翻版Labubu，不過，喺Labubu熱度似乎降溫下，呢啲生產商要急急散貨。
報道指，一條逾100米嘅街道，聚集咗幾百個地攤，呢啲攤檔買嘅Labubu，售價低至6蚊、7蚊人1隻，由第1代到最新嘅第3代，其至限量款都有，顏色亦好齊。
翻版Labubu急散貨會唔會係泡泡瑪特一個「警號」？依家集團主要靠Labubu食糊，一旦呢股狂熱退卻，對集團影響絕對唔細。
港股今日(2日)喺下半年首個交易日造好，但泡泡瑪特股價今日幾乎由頭跌到尾，收市報258.2元，跌逾3%。
