【now.com財經】部咗兩日嘅恒指熊喺噚日都終於順利借到小時圖Slow STC(14.3)出觸頂由超買落返去超賣。而噚日揀嘅恒指熊(60063)喺上半場雖然可以率先食餬，但我都特登喺未開下半場之前先出隻【輪證下半Part】，講明如果下晝開市之後，如果小時圖可以向下再穿得過條中軸嘅話，咁隻(60063)可以繼續Hold落去。最後小時圖喺3點至4點呢粒燭上見落到50線位，雖然Slow STC(14.3)暫時得%K線落到超賣位，%D線仲未到，但我諗隻(60063)都應該夠飽。
今日Happy Friday！而指數少少地開出升13點之後，10點未到已經有見重上23,600點樓上，升幅亦有見升逾100點，作戰室第一注好倉已經收工！有戰友今日去飲茶、有啲去睇熊貓，多開心，當然亦有啲專注返工作啦！
小時圖上有見Slow STC(14.3)兩線已經出觸底向上，不過保歷加通道口收窄嘅同時，去到10點打後指數都仲未上得返去小時圖中軸以上水平，Swing觸底係有機會出現，但係疊加多條10線喺上面，佢係唔過線嘅話，你都吹佢唔脹。
指數未有作圍，唯有向個股出發，呢期啲藥股係勁，但我睇住嘅反而係隻BYD(01211)，上到470蚊暫時有見行人止步，唔緊要，日線圖上五條主要平均線順序排列咗10日，保歷加通道口仍然保持拓闊，即使底線向上，但只要10線守得住嘅話，咁都仲可以用頂線同10線之間做Swing。
比迪牛(56436)，收回價435元，同現價有約29元距離，為市場上最貼價牛證中最高槓桿，有約13.1倍。睇下今日有無條件借到五分鐘圖10線守住而出；否則用嚟做Slow STC(14.3)嘅Swing Trade一趟啦！
作者阿珊，以技術分析專心玩輪證，唔貪心，努力賺取我家肥貓罐罐。
直接去Patreon七日免費試用即市作戰教室://www.patreon.com/join/cbbcwar
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
