【Now財經台】嗶哩嗶哩(B站)(09626)出完季績後，股價今日(21日)一度大升逾7%，高見150.6元，雖然上季經調整轉賺3.6億人仔，但股價好似冇炒作Turn Around嘅超強表現，係咪同業績未有提及人工智能(AI)對收入及盈利嘅推動力有關？
大華繼顯策略師楊韻銳指，阿里巴巴(09988)、騰訊控股(00700)嘅業績都涉獵AI主題，但B站畀唔到肯定會應用AI嘅答案，市場已經對B站應用AI冇幻想空間。此外，B站生態圈依賴個人創作，內容創作同AI關聯度唔大，因為好難用AI生成高質影片，呢個情況可能成為B站嘅包袱。
Curtis又話，B站股價弱勢，近日先補返4月初下跌裂口，依家關鍵位睇50天及100天線，即145.8元水平，後市要留意股價可唔可以企穩喺裂口以上，企得穩先有機會回勇。
