【Now財經台】截至早上11時止，1小時內《彭博》用戶搜尋量最多港股，依次為三生製藥(01530)、小米集團(01810)、石藥集團(01093)、新世界發展(00017)及比亞迪股份(01211)。
三生製藥股價今日(20日)一度爆升逾51%，高見22元，因為公司同輝瑞(Pfizer)達成授權「雙抗藥」協議，涉資高達470億元，輝瑞亦可能認購三生製藥股份，令股價今日表現亢奮，後市係咪可以繼續上？
富途證券首席分析師譚智樂認為，三生製藥股價短線有可能喺今日即市高位22元見頂，值得留意係，今年以來，市場都對創新藥相關消息表現興奮，原因係業務對經濟敏感度唔高，加上之前市場一宜睇得太悲觀，導致估值出現拉升情況。
Arnold又話，雖然三生製藥升咗咁多，但市盈率(PE)僅約20倍，未來有可能同更多國際企業達成協議，佢建議，有貨嘅投資者可以作中長線持有，雖然短炒有見頂風險，但整個2025年嚟講，創新藥、標靶藥，甚至係石藥集團(01093)都係值得留意嘅板塊及股份。
