【Now財經台】比亞迪股份(01211)股價上周五(16日)一度高見436元，創新高，見好友紛紛食糊，淡友又再度入場，雖然集團獲納入恒生科技指數嘅好消息，但股價今日(19日)都要回套，一度跌逾2%，低見423.8元。市場上熱門CALL都較短身，睇好比亞迪應該點部署？
滙豐亞太區財富管理香港上市產品銷售經理盧貴良指，比亞迪股價4月底至今累計反彈40%，想造淡嘅投資者可留意冇咁價外嘅PUT，行使價317元，8月到期，實際槓桿做到7倍。此外，若投資者睇好比亞迪股價繼續破頂，可留意行使價550元嘅CALL，8月到期，槓桿做到7倍。
