【Now財經台】周大福(01929)股價今日(25日)逆市向下，一度挫4.5%，低見9.19元，集團上季內地及港澳同店銷售分別跌逾10%及逾20%，不過，中金就話，雖然內地同店銷售跌，但按季跌幅其實收窄咗，周大福有中金「護航」，股價短期有冇機會出現突破？
王道資本及家族資產管理執行董事黃敏碩指，單靠1家大行未必「唱」得起周大福股價，雖然黃金相關股如金礦股、金飾股嘅近期回調，但睇返之前嘅「黑色星期一」(4月7日)，其實周大福收復失地嘅速度已算快，當日股價跌至7.8元水平，依家已上返9元樓上，由於股價已自「黑色星期一」低位回升咗唔少，因此，周大福股價要再出現突破必須新點子，市場可以留意集團業務及產品方面定位。
